منقول
Cliquez sur l'image pour la voir en taille réelle   Nom : 		Screen Shot 2020-05-20 at 1.04.22 PM.png  Affichages :	0  Taille :		861,4 Ko  ID : 			201

حلقة اللية حاجة كاسحة برشا و سخونة🔥🔥..برشا إبداع و أحاسيس❤️❤️ .في ظاهرها مجرد سير طبيعي للأحداث و في باطنها محاكاة للتاريخ و الانتقال بالمشاهد من متلقي سلبي لباحث بين السطور و الخفايا... قلتلكم لازمها كتاب وسعوا بالكم و أقروا 😅

-1
إيقاف عبد الكريم مع جماعة باب سويقة و أحداث باب سويقة الشهيرة إلي بدات من خلالها سياسة التعتيم و تكتيم الأفواه و قمع الحريات و الحراك السياسي في البلاد..سياسة إنتهجها نظام بن علي بعد ممارسة السلطة مدة سنتين أوهم فيها الجميع من مجتمع دولي و منظمات حقوقية و نشطاء سياسين أنه صانع التغيير و ان تونس دولة الحقوق و الحريات بإمتياز..عام 91 صارت أحداث باب سويقة و شملت حرقا لأحد مقرات الحزب الحاكم كردة فعل من أبناء الإتجاه الإسلامي بعد إيقاف عدد مهم من القيادات و كذلك المتبنين لهذا الفكر و التوجه و توجيه التهم من نوع المشاركة في تنظيم سري و إستهداف الأمن القومي و التحضير للإنقلاب على سلطة و قد طالت الإعتقالات و التعذيب حتى أشخاص أبرياء و لا علاقة لهم بذلك و سموهم الوقت هذاكا الخوانجية و و تم التنكيل بهم أيما تنكيل..و في بعض الروايات الأخرى أن الحزب الحاكم هو من دبر و خطط و إفتعل هذه الأحداث لإيهام الرأي العام بخطورة هؤلاء الأشخاص و التنظيم..لكن تضييق الخناق لم يطل فقط أبناء الإتجاه الإسلامي فحسب بل جل النشطاء السياسين و الحقوقيين في تلك الفترة..و من هنا إنطلقت و ترسخت الدكتاتورية الحقيقية للنظام النوفمبري و تحول من نظام راعي للحريات و مؤمن بالتعددية لنظام فاشي..قمعي. سالب لحقوق المواطنة الحقيقية.. يساريين و قوميين و إخوان و على إختلاف التوجهات و المشارب الناس تشالت من ديارها و تعذبت و قضت سنوات جحيم السجون و لفقت لهم التهم يمينا و شمالا و أنتهكت أعراضهم و شردت عائلاتهم..تهم توزيع المناشير و تشويه النظام و غيرها برشا..و التعتيم الإعلامي كان رهيب و تونس دولة الأمن و الأمان يحيا هنا الإنسان ...

-2 على غرار الحدث الأول فإن ظهور صالح في حلقة الليلة فهو ماهوش مجرد شخصية يمثلها عبد الحميد بوشناق و زايدة و مسقطة على المسلسل..بعد فضيحة كويكوس كونيكشن و الهالة الإعلامية الأجنبية الي خذاتها المنصف بن علي و بعد ما هربه خوه من فرنسا بتعاون من الحكومة الفرنسية و بعد ما صدرت في حقه بطاقة جلب دولية و حكم نافذ بالسجن 10 سنوات على خلفية إتجاره بالمخدرات و سبق و حكيتلكم عليها القضية..المنصف بن علي ما ركحش و ڨعد ينشط في المجال هذا و غيره من الترافيك و الشي هذا كان يمثل مصدر قلق و إزعاج لخوه و للحكومة الفرنسية و للمافيا الإيطالية إلي كان يتعامل معاها و كان بمثابة القنبلة الموقوتة في نظرهم في حال تورط المنصف في قضية أخرى باش تكون فضيحة مدوية للنظامين التونسي الفرنسي و باش تهز و تقلق برشا بارونات المافيا و نسيجها الدولي هذاكا علاش عاودنا شفنا صالح الليلة يوزع في الأدوار و يرتب في اركان البيت و يهدد في المنصف و وصفه بالبهيم و جبدلو حكاية الكسكسي و قناة أنتان 2 في تلميح واضح من عبد الحميد الي القضية صداها كان أكبر من المنصف و خوه الرئيس و في التهديد صارت إشارة متع خوك ما ينجم يعملك شي قنطرة فرقعناها بالبوليسية خلي إنت ما تشدش ربع ساعة و هي تنجم تكون إشارة إلى تصفية المنصف عام 97 من قبل المافيا و ماهيش موت طبيعية كيما صورلنا النظام..صالح في دور منسق عمليات المافيا و موزغ الأدوار بين البارونات و الناس الي تنشط معاهم في مختلف الدول قلوا الجماعة متغششين برشا... ننصحكم تبحثوا في الموضوع القصة متع سبيطار منوبة موجودة

-3 كيما سبق و قلت في منشور سابق الي ماهر كبر برشا و الصيت ذاع أكبر من قنوش و براداريس و هذا الي صار ماهر الشاب الصغير الذكي الي ما يخافش و ما يخونش و ما تجيبهاش فيه السلط ذاع صيته و خلا الناس هذي تعمل عليه و تنصبه زعيم على إدارة أعمالها في تونس أما زعمة في الواقع شخصية شكون يجسد!!!

-4 رضا داندي الليلة في الكباري على غير العادة لا شعر إصطناعي لا هيلمان كيما العادة و نظرة الفخر و الإعتزاز الي خزرها لماهر وراها سر كبير..رضا كان يعيش في الخارج مدة 20 عام و كان من اصحاب المال و الاعمال يعني ببساطة السيد كان ينشط مع الناس هذي و في وقت التقاعد نصب ماهر خليفته نربطلكم بفازة تعدات في وحدة من الحلقات رضا يسأال في قمر على طاولة المنصف شنيا يحكوا و هي قتلوا ما سمعتهمش و زادة إختياره العمل في الكباري مع نجوى رغم الإهانات و سوء التصرف كان يبلع و يغص و يعدي خاطرو مكلف بمهمة عينين و وذنين الجماعة في تونس و لازم ما يغيبش عليه شي من السركوي خدمة نار منه و نظيفة

-5 حبيبة و الي صار مع نجوى الليلة و سيطرتها على الكباري..نحكي في السياق لا في الأحداث أكدلنا بيها المخرج شكوكنا حول كباري الخليل الذي كان وكر و مقر لعديد العمليات المشبوهة و الترافيك و كان رواده من أعيان البلاد و لاعبينها أشراف القوم من كتاب دولة و وزراء و كوادر في الداخلية و مؤسسة رئاسة الجمهورية و وجوه إعلامية و رياضية معروفة و شخصية نجوى ماهيش من وحي خيال الكاتب هي تجسد شخصية حقيقية صاحبة المحل المذكور نتحفظ على ذكر إسمها كامل إحتراما لروحها التي بين يدي الله و نكتفي بحرفين "س.خ"..و في ما يخص الأحداث الكباري المذكور صارت فيه واقعة مشابهة نحتفظ على ذكرها بحكم جهلي لبعض الجزئيات...